6款簡單易上手的花生醬料理

想煮野食又嫌麻煩? 其實簡單如一樽 Calvé 花生醬，已經係你廚房入面幫到手嘅秘密武器。兩款來自荷蘭經典品牌 Calvé 的花生醬——Calvé 順滑花生醬同Calvé脆粒花生醬——細緻融入無數既烹調食法之中。

以下六款超簡單嘅花生醬料理食譜，令你重新愛上花生醬嘅滋味。

1. 花生醬布朗尼

材料（約 12 件）：

• 黑朱古力 200g
• 牛油 150g
• 砂糖 200g
• 雞蛋 3 隻
• 中筋麵粉 100g
• 可可粉 3 湯匙
• Calvé 順滑花生醬 100g（拌入麵糊）
• Calvé 粒粒花生醬 3 湯匙（最後做面層花紋）

做法：

1. 將黑朱古力同牛油一齊溶化，再加入砂糖攪勻。
2. 逐隻加入雞蛋，每加一隻就打勻。
3. 篩入麵粉同可可粉，再加入 Calvé 順滑花生醬，輕手拌勻即可。
4. 將麵糊倒入已舖牛油紙嘅焗盤。
5. 將 Calvé 粒粒花生醬用湯匙放幾點喺面，再用牙簽輕輕拉開，做出花紋。
6. 放入已預熱 175°C （350°F）焗爐，焗 25–30 分鐘。取出後待涼切件。

小貼士： 想做到濕潤香滑、入口濃郁嘅軟布朗尼，記得唔好焗得太乾。焗盤中心仲有輕微搖晃嘅時候就可以拎出嚟。

所需時間： 準備 15 分鐘 + 焗 30 分鐘。

2. 高能量花生醬奶昔

不論係趕時間嘅早餐，定係運動後嘅補充飲品，呢杯奶昔可以做到香滑又飽肚，仲非常好飲。可以自由加自己鍾意嘅材料，但真正嘅主角，始終都係 Calvé 花生醬。

材料：

• 冰凍香蕉 1 條
• Calvé 順滑花生醬 2 大湯匙
• 牛奶 1 杯（可用鮮奶或植物奶）
• 自選配料：蛋白奶粉 1 勺／菠菜一小撮／奇亞籽 1 湯匙

做法：

1. 將所有材料放入攪拌機。
2. 開高速打至完全順滑、細膩。
3. 倒入玻璃杯，即刻享用。

小貼士： 用冰凍香蕉，可以打出似奶昔般香濃厚滑嘅口感，又唔需要加冰，避免稀釋。

3. 荷蘭招牌花生醬三文治

荷蘭人已經將花生醬三文治嘅藝術發揮到極致，而一切都源自一層厚厚嘅 Calvé 花生醬。簡單、滿足、又經典。

材料：

• 新鮮全麥麵包 2 片（傳統做法會用全麥）
• 足量 Calvé 順滑花生醬
• 少許砂糖，或者加入 Hagelslag (荷蘭朱古力碎糖），體驗最正宗嘅荷蘭風味

做法：

1. 先將一片麵包鋪上一層厚厚嘅 Calvé 花生醬，記得搽到邊。
2. 隨心灑上砂糖或者朱古力碎糖。
3. 另一片麵包蓋上去，或者開放式咁食都得。呢個組合，絕對為一天的開始注入能量。

4. 花生醬芝士蛋糕

材料（8–10 人份）：

• 消化餅（或 graham crackers）200g，壓碎
• 牛油 100g，已溶化
• 忌廉芝士 500g
• Calvé 順滑花生醬 200g
• 糖霜 100g
• 淡忌廉 200ml
• 可選配料：溶化朱古力或切碎果仁（裝飾用）

做法：

1. 將消化餅碎同溶化牛油混合，壓實喺蛋糕模底部，放雪櫃冷藏。
2. 大碗中用打蛋器將忌廉芝士、Calvé 花生醬同糖霜打至順滑幼滑。
3. 將已打發嘅淡忌廉輕手拌入，避免消泡。
4. 倒入已冷藏嘅餅底上，抹平表面，放雪櫃最少 4 小時（隔夜更佳）。
5. 食前可按喜好淋上朱古力醬或灑上果仁裝飾。

小貼士： 忌廉芝士喺室溫攤一攤先打，效果會更加幼滑細緻，不會有顆粒。

所需時間： 準備 20 分鐘 + 雪凍 4 小時。

5. 沙嗲咖喱雞

材料（4 人份）：

• 雞胸肉 500g，切片
• 食油 2 湯匙
• 洋蔥 1 個，切碎
• 蒜頭 2 粒，切蓉
• 紅燈籠椒 1 個，切絲
• 椰奶 200ml
• Calvé 粒粒花生醬 3 湯匙
• 豉油 2 湯匙
• 咖喱醬 1 湯匙（紅或黃都得）
• 黃糖或蜜糖 1 茶匙
• 青檸汁 半個
• 白飯或麵條，伴碟

做法：

1. 熱鑊落油，把洋蔥、蒜蓉同紅燈籠椒炒至軟身。
2. 加入咖喱醬，炒約 1 分鐘，釋放香氣。
3. 落雞肉快炒至表面轉色，再倒入椰奶。
4. 加入 Calvé 粒粒花生醬、豉油同糖，拌勻後細火煮至雞肉全熟，醬汁收稠。
5. 最後擠入半個青檸汁，趁熱配白飯或麵享用。

小貼士： 咖喱醬先輕輕爆香，味道更濃郁。

所需時間： 準備 10 分鐘 + 烹煮 25 分鐘。

6. 沙嗲花生醬麵

一碗普通麵，幾分鐘就可以變身成充滿風味嘅主角！呢個香濃惹味又幼滑嘅醬汁，絕對係速食餐嘅新寵。

材料：

• Calvé 粒粒花生醬 3 湯匙
• 豉油 2 湯匙
• 蜜糖或楓糖漿 1 湯匙
• 青檸汁 1 湯匙
• 熱水 3–4 湯匙
• 已煮熟嘅麵條（例如蕎麥麵、拉麵、或意粉）
• 可選配料：花生碎、芝麻、蔥絲

做法：

1. 細碗內放 Calvé 花生醬、豉油、蜜糖同青檸汁拌勻，初時會比較稠身。
2. 每次加 1 湯匙熱水，一邊加一邊攪拌，直至變成香滑易倒出嘅醬汁。
3. 將醬汁淋喺熱辣辣嘅麵條上，攪拌均勻。
4. 最後灑上喜好嘅裝飾，即刻食就最好味。

小貼士： 如果醬汁太稠，加多少少熱水；如果太稀，加多少少花生醬。基本上點樣調都唔會出錯！

花生醬小知識 🥄 

花生醬好處

花生醬唔單止係美味嘅塗醬，仲有好多營養同健康好處：

• 植物性蛋白質： 有助增肌修復，仲可以保持飽肚感，減少零食誘惑。
• 優質脂肪： 豐富嘅單元不飽和脂肪，屬於「好脂肪」，有益心臟健康，提供持久能量。
• 膳食纖維： 幫助腸道蠕動，令你更有飽足感。
• 維他命同礦物質： 含有維他命 E 同鎂，對身體功能好重要。

花生醬：健身拍檔

對於有運動習慣嘅人嚟講，花生醬簡直係超級好拍檔：

• 運動前： 想要穩定嘅持久能量？ 喺開操前 30-60 分鐘，嚟一片米餅或香蕉，加上一匙花生醬，就可以提供慢速釋放嘅能量，避免體力跌Watt。
• 運動後： 花生醬入面嘅蛋白質幫助肌肉快速修復。Post-workout shake（運動後蛋白奶昔）入面加一勺 Calvé 順滑花生醬，不但補充營養，仲令味道更香更滑。

花生醬：要放雪櫃嗎？

花生醬開咗樽之後，其實唔需要冷藏！只要放喺陰涼乾燥嘅櫥櫃，就可以保持新鮮，仲會維持柔滑易搽嘅質感。相反，如果放雪櫃，就會變硬，唔方便使用。

🥜✨ 

有咗呢六款簡單易上手嘅花生醬食譜，根本唔需要高超廚藝：只要打開一樽 Calvé、準備好一支湯匙，就可以喺屋企煮出驚喜。快啲帶 Calvé 花生醬返屋企，細味荷蘭傳統，享受每一口簡單又難忘嘅滋味！

✉️  歡迎批發 / 團購合作